Ein kjekk dag

LOL Mangfoldsdag….kva er det?

Fleire tok turen innom arrangementet vårt idag, til stor glede for oss som står bak. Dette er eit nytt konsept i bygda, og litt skepsis og nyfikenhet høyrer til. Målet er å bli kjent og skape bulyst og identitet til nærmiljøet, der samhold og glede er sentrale faktorer i konseptet. Kva er bra med å bu i Eikefjord og kva saknar du? Vi leverte ut post-it lapper, og mange klistra sine meiningar på veggen. Fleire kom i snakk med nye og gamle eikefjordingar, alle smilte i kapp om sola.

Fleire lag og organisasjonar kom og fortalte om sitt arbeid og sine arrangement. Nokon lag rekrutterte nye medlemmer.

Ute serverte vi nystekte sveler, og inne var det kaffi, saft og påsmurte baguettar. Ingen mager skulle vere sultne….

Dette er starten på mange LOL = Liv og Lyst arrangement, og vi gleder oss til resten. Det går allerede rykter om sushikurs i nærmeste framtid, så følg med videre på vår fb gruppe for informasjon.

Vi vil takke alle som bidrog og hjalp til for å utføre arrangementet. Fleire har vært med og oversett invitasjonen på ulike språk: polsk, tysk, nederlandsk og japansk. Det er til stor hjelp når vi vil ønske nye sambygdinger velkommen til bygda og arbeide med inkludering. Takk òg til svelesteikaren Julie og baguettsmøreren Maja. Mat er aldri feil på slike dagar!!!